蔣家旻（Angel）於昨晚播出的無綫台慶劇《美麗戰場》中慘被李成昌強姦，對於「反骨琪」原本打算害陳瀅，但害人終害己。Angel受訪時大讚昌哥事前與她做足溝通，開拍前對對方所有動作都一清二楚，又感謝幕後對她很照顧，加上有打底，故拍攝時都能很放心去演。不過由於擔心自己「做得唔夠好」，Angel 拍攝前一晚已開始有壓力：「因為場戲好多情緒要處理，由化妝開始我已經要匿埋一邊。」
Angel接受無綫娛樂新聞台訪問時，大爆葉念琛提出被姦的搞笑要求：「導演希望我嗌救命嘅程度，係佢喺隔離房都聽到，我都覺得好合理，如果現實中咁樣嘅話，真係會有咁大聲嗌到咁大聲，希望有人聽到可以救你。我就用盡全身嘅力嗌到全塊面都紅晒，拍完嗰場虛脫到要飲汽水補充糖份。」Angel 又謂有工作人員向她透露見她拍出來手部和頸部均激動見紅：「我都冇諗過自己嗌到可以手、頸都紅晒，有史以來第一次咁，好真實！」
Angel 續指全劇最大難度並非被姦戲，而是緊接其後的浴室爆喊戲：「想喊但又要唔准喊， 因為個角色好勝，亦唔覺自己有錯，咁到底要點樣呈現唔輸得但又委屈？所以覺得仲辛苦 過鬧交戲，鬧交戲都仲可以直接表達個情緒，但呢場個情緒就好複雜。觀眾一定覺得你抵 死，但你又想佢哋有少少同情個角色。」她又感激葉念琛現場給她看Playback之餘，還不斷說故事引導她進入狀態：「十年前左右我同佢合作過，今次合作多咗好多信任同默契，所以佢即場加或減嘢我都唔會多諗。」
自劇集播出後贏得好評的昌哥，從演以來演過無數膾炙人口角色，演大佬更是演到出神入化，他笑言是次雖然冧莊演大佬，但卻被葉念琛勒令要「不一樣」:「導演話睇過我做過好多大佬，今次想我特別啲，我當時都擔心好難再有突破，後來終於諗到自己未做過咸濕嘅， 你知有個人唔聲唔聲原來好咸濕對女仔嚟講好棹忌。所以我叫導演開頭幾場畀兩個靚女我， 我要摸大髀。」談及昨晚一集，表情極速遊走於得戚、險惡及無情之間兼「一秒變臉」，昌哥則坦言過足戲癮。
