無綫台慶劇《下流上車族》今晚首播，劇中一班後起之秀郭柏妍（Rosita）、羅毓儀（Yuki）及林穎彤（Bella）值得關注。劇中 Rosita 經常踩滑板送外賣賺錢，為配合角色，Rosita事前更專誠上堂學踩滑板：「以前已經心思思想學。學嗰排每日放咗工就走去練，希望將勤補拙。」Rosita 又謂與林敏驄、江美儀姐及鮑起靜私下相處也很像一家人：「有次我失咗聲好擔心影響進度，佢哋好好係咁安慰我，驄哥畀咗啲潤喉膏我食，美儀姐就推介咗啲中藥，食完之後真係好番冇事。」
Yuki 於劇中備受母親溺愛，由細到大咩都唔使做，生活自理能力麻麻哋，常常爆出令人意想不到的笑料。Yuki受訪時大讚驄哥和美儀姐照顧後輩，其中一場喊戲 Yuki 更靠着美儀姐的「愛心雞翼」引爆淚水，相當神奇。她說：「美儀姐煮嘢食好叻，有次開廠佢整咗滷水雞翼畀我哋食，為咗可以喊得出，我就食咗四隻，因為喊戲要用好多Energy，全部人食完之後，即刻喊到一 Take收貨！」
