梁嘉琪、敖嘉年、郭田葰等今日（6日）出席HOY TV節目《健康關注組》出席記者會，示範即席炮製健康飲品。三人雖曾效力無綫，但未曾一同主持節目。嘉琪表示曾與嘉年合作（前奇妙電視節目《嘉嘉醫療自助班》），有一定默契，笑稱可以於節目中亂講說話，她並解釋今次節目內容與別不同之處，在於可更深入解答健康迷思：「大家有一啲避忌唔敢講，可能前列線問題，可能胸部問題，都有舒緩到嘅辦法，我哋都會講到。」嘉年笑謂有身邊朋友透過他，詢問一些奇怪的醫學問題，醫生亦願意解答。
嘉琪無懼主持電台節目遭劣評
對於近月加入商台節目《早霸王》首次開咪做DJ，被聽眾狠批表現，惹來不少負評。嘉琪指主持電台節目是新挑戰：「完全唔同主持電視，係另一個範疇。我都好多謝森美小儀一直帶住我，教我好多嘢，所以再努力學習。」
嘉年公司籌拍電影年底取景
談到近況，敖嘉年透露日前左腳半月板撕裂受損，需入院進行修復手術，傷勢仍在康復中。至於敖嘉年開設的製作公司，正籌備一套香港與內地合作的電影，預計年底到外地取景拍攝。
此外，去年離巢無綫回復自由身的郭田葰表示，入行後參與過不少醫學節目當主持，坦言每次都學到新知識。他直言做健康節目有信心：「以前入行前做急症室醫生，樣樣嘢都要識，但唔係個個範疇我都精。但透過每一次健康節目，同唔同醫生傾偈之後，變咗愈來愈精。」