歌手菊梓喬（Hana）將於下月20日於九展舉行演唱會，她周四（6日）為個唱會拍攝海報時透露，兩星期前才落實今次個唱，故要開始閉關作準備。
菊梓喬今次相隔四年再度舉行個唱，問到為何揀520開騷，她笑言：「再唔開，驚歌迷話『唔要你』嘞！」至於可會在個唱有跳舞或性感演出，Hana說：「我唔介意，但公司唔建議，話我唔係跳唱歌手。但我唔介意試唔同新嘢。」她又透露正在自學鋼琴，希望可以能多些自彈自唱。
講到今次個唱嘉賓，Hana坦言連歌單都未有，嘉賓要睇公司。問到可會請緋聞男友吳卓羲？她說：「唔知道、唔講得、唔好提。（邀請佢嚟支持？）咁我好多朋友都要邀請。（請吳卓羲、伯母同家姐嚟睇騷？）要咁嘅咩？咁唔夠喇，要開十場先得。」Hana坦言是鄭伊健的忠粉，一直很喜歡和支持對方，唱歌又好聽。再追問她是不是吳卓羲的粉絲，她只續說喜歡鄭伊健，更會蒙面戴口罩去追星，笑言記者不會認到她。她續指自己亦喜歡王傑及謝霆鋒，吳卓羲則「三甲不入」。
此外，Hana二月於澳門舉行演唱會期遭耳機「炸耳」，她透露已完全康復，但事件令她留下陰影，她只怪自己當時不小心，應該要檢查清楚先繼續唱，又謂今次會細心些。