雲浩影（Cloud）今年首支派台作繼續挑戰創新曲目，雖然錄音過程困難重重，但今次可以以全新曲風示人，她認為是磨練唱功的大好機會。
Cloud去年以不同元素曲風展現實力唱功，並在《叱咤樂壇流行榜頒獎典禮》奪得女新人金獎，近日更推出新歌《自發性神經反應》，她說：「對我來講真係一個大challenge（挑戰），因為是個未接觸過嘅曲風，監製同樣係第一次合作，多謝公司有呢個安排，可以逼到我跳出自己嘅comfort zone（舒適圈）。」
除了自我挑戰，Cloud還收到一個大好消息，唱片公司今年將會加大力度重點力捧，讓她在樂壇進一步發光發亮。 她指去年推出的歌曲，只可算是小試牛刀：「今年收到公司嘅permission可以大試牛刀，as much as possible ，會錄更加多嘅歌，學更多唔同嘅嘢，將更加好嘅作品送俾大家。」
在《自發性神經反應》的MV中，Cloud飾演插畫師，因失去創作靈感，就連屋企也變得亂七八糟。雖然因此令她弄傷左手，要看醫生打石膏穩定傷勢，連參加朋友派對都難以投入，但創作靈感卻失而復得。她說：「首歌係講每個人都有一樣小怪癖，做咗會令自己開心、放鬆，只係別人睇見會覺得呢個人行為古古怪怪，至於我自己嘅少怪癖，其實有好多，其中一樣係瞓覺，當我唔開心嘅時候會瞓，但開心嘅時候，都係瞓，哈哈！」
拍攝MV多「陷阱」
為突顯Cloud在MV中因為失去創作靈感令生活變得一團糟，導演在拍攝現場安排了很多「陷阱」，例如Cloud打開廚櫃時雜物會應聲倒下、入房攞衫會被大堆衣物壓倒在身上、企高攞書搞到跌書，還跌倒在地上受傷等等：「其實導演好聰明，如果要我拍MV演戲，未必做到佢要求，反而真實嘅我真係經常整跌嘢，所以拍攝嘅時候都係我第一身嘅自然反應，我本身份人都好遴迍（笨手笨腳），尤其出門口之前，經常唔知自己個電話擺咗喺邊。」
雲浩影（Cloud）派台作MV訪問：
雲浩影（Cloud）今年首支派台作率先看：