吳沚默（MoMo）於無綫劇集《隱門》中的床戲，一幕比一幕震撼眼球，昨晚（22日）一集更生擒阮浩棕，姣味濃令網民大讚「索」 。MoMo指與阮浩棕是好友，拍攝時沒有尷尬。
吳沚默笑言拍攝這場戲，背後其實蝦碌連連：「我同阮浩棕好Friend，佢算係我訓練班師弟，之前又合作得好開心，所以今次拍呢場戲冇尷尬，反而好多笑料。好似有一幕我要解開佢條皮帶，但解極都解唔開。同埋有幕佢要將啲毒品灑落我塊臉，但佢又打極都打唔開包嘢，而我又要好High咁係咁喺度叫，所以係搞笑多過尷尬。」
網民紛紛揣測吳岱融於劇中陷害親生仔之餘，還大讚Momo又姣又索。被問到Momo如何演繹迷幻樣，她透露全靠之前編劇時曾做過相關資料搜集，令她拍攝時腦內有實際畫面供想像及發揮。
湯洛雯演技獲平反
隨着結局周逼近，《隱門》劇情愈趨緊湊，但依然不乏輕鬆搞笑位，搞笑重任落在湯洛雯身上。湯洛雯於昨晚一集，得悉陳展鵬與前度貝安琪復合無望大感欣喜，湯洛雯拋下「偶包」為場口做出連串萌爆「十月芥菜式」暗爽表情，獲網民大讚有喜感：「阿湯呢套愈做愈好」、「佢有搞笑潛質，做輕鬆劇情幾好睇」，演技終獲平反。
除了角色人設搞笑，湯洛雯真人亦很Funny，根據無綫官網上載的NG花絮片，湯洛雯經常走音、忘台詞引爆連番笑話外，更會「奀皮妹」上身，在鏡頭面前忽然跳舞或鬼馬放電，可愛爆燈。