《萬千星輝賀台慶》昨晚（19日）於將軍澳電視城舉行，無綫電視總經理（節目內容營運）曾志偉於節目後，在台上多謝各位參與藝人落力演出，令「TVB生日好似擺酒咁」。
曾志偉在《萬千星輝賀台慶》後接受訪問，大讚每個藝員對都做好自己部份：「我畀100分，我覺得所有節目真係做得好好，我係畀所有同事都100分，因為所有人都盡心盡力，為咗TVB生日好似擺酒咁樣，為咗啲來賓去做好自己。」他也提到，許多藝人因工作檔期繁忙，仍然會抽出時間與老師學習，為了節目做出最好的表現！
對於台慶的各個部份，曾志偉表示：「每個部分都是我喜歡的，除了阮兆祥的那一部份，我不知道他們正在排什麼。」他不禁提到看到所有藝人都滿懷熱情，嘗試盡可能做得更好！
談及來年的計劃，他表示：「我哋都係過完一關又一關，港姐完咗，之後等台慶。」他續謂每一次都會給大家一個主旨：「希唔望啲嘢冇內涵，舊年就係傳承，今年就係初心，知道要計劃啲乜嘢。」曾志偉指無綫開台56年，好多時都是做懷舊，希望明年是突破是改變。但他稱變化並不意味着一切都將變新。
對於鄧兆尊在上月初曾在節目暗示曾志偉的職位或有所變動，志偉笑說：「我驚變成老闆說唔好啦！我同員工打成一片，職位唔重要，做得好才是最重要的，做唔到成績畀你坐高都冇用。我唔着緊，我旦求係好做件事。（有冇打算做多幾多年？）真係冇！一步一步咁行啦！（ 冇計劃？）有嘅，但係好難依家講畀大家聽。」
提到於節目上曾問郭珮文「你未瞓醒咩？」，曾志偉笑指對方「綵排嗰陣時已經係咁」，做得好做錯都不知道，他說：「有時藝人要鞭策，攞獎都要鞭策。攞40幾萬係開心事都可以冇乜反應，佢以為做騷會收番。呢個就係我哋正想話俾大家聽我哋冇內定，如果有內定就唔會有呢個表情！」
