歌手張馳豪（Aska）自爆曾因在美國邁阿密留學及生活而被人認為「似渣男」，他最新在東京拍攝新歌MV時，剛好要配合歌詞中隨意的男女關係，演譯「渣男」角色而備受熱議。
談到歌曲《燈亮時離場》以晚上作為氛圍，故MV選擇於日本東京通宵拍攝完成。Aska談到歌詞中描寫是種各取所需的隨意關係，被電台主持人啤梨反問：「即係渣男？」，Aska搞笑嘗試解釋：「我不好意思講出來，但自己都覺得係。」
Aska並自爆：「啲人見到我都覺得我似渣男。」他補充，「依家都有啲後悔，因為我喺美國邁阿密讀大學，啲人成日話邁阿密好正，咁性感嘅一個城市，有海灘，啲人好國際化，又開放，但我好專注讀書、打波，好少參加派對或者去旅行，所以我同首歌裡面嘅角色完全唔同。」性格內向的Aska強調與新歌中的「渣男」完全不同：「我係相反，依家超過夜晚10點都撐唔住，一早已經過咗瘋狂嘅年紀。」他並指MV情節雖然涉及隨意的關係，但其實內容仍相當「健康」，他跟女主角亦保持社交距離。
性格內向的Aska又坦言自己是需要Me time的人，習慣在車內獨處聽歌，甚至回家前會在停車場稍作停留，享受放空時刻。Aska還表示：「我好鍾意一個人睇電影，出街食飯會特登揀『面壁』嘅位置，享受個人空間。」