一對香港情侶昨日（2日）大鬧越南峴港機場，由候機室大鬧至機艙，女子當眾力數男友「叫雞」，更控訴早前遭家暴「打40拳」，聲稱「醫院有紀錄」。至機艙內因座位問題情緒越發失控，哭鬧間一度推跌空姐，其男友則反駁指女方出軌，又稱她有精神病。兩人最終同被趕下客機，航班受阻延誤。
網民在社交平台Threads發布帖文及影片，可見一對情侶先在候機室爭執，疑似女友站在男子身前，男方大聲指女方「出軌」，女子聞言即向拍攝及圍觀者指罵男友：「佢叫雞呀！佢叫雞呀！佢叫雞呀！我有見到佢叫雞呀！你鍾意影就影啦！」女子續壓向男方，向圍觀拍攝者表示：「佢打我40拳呀！港怡醫院有紀錄……佢打我40拳，醫院有紀錄㗎！係呀，我有證據呀，擺上網！係你嘅損失，知道晒你嘅衰嘢！」其後女子不斷質問：「你打我40拳呀！你有無打我40拳呀？！打我40拳呀！10月1號，港怡醫院有證據，你打咗我40拳呀！」
至於另一段影片在機艙內拍攝，可見女子上機後情緒仍非常激動。拍攝者表示，該對男女原本被航空公司安排分開乘坐，惟該名女子向空姐要求坐於男友身旁被拒絕，結果再失控哭鬧，混亂間推跌一名空姐。
男女均被請離機艙
兩名空姐於通道嘗試攔阻女子，其中一人被推跌，有乘客高呼「Oh my god」。另一空姐從後攬實女子稱：「冷靜啲呀小姐。」該女子則表示：「我要同佢坐！佢做錯嘢！我要同佢一齊坐！係佢做錯嘢喎！」空姐見女方情緒失控，決定要求她下機：「唔好意思呀，你要落機啦！」女子這時突冷靜問：「咁我唔落啦，依家冷靜，係咪俾我坐呀？」但空姐堅持：「唔係囉，對唔住呀！我控制唔到你！Sorry！」
女子聞言又激動大叫「唔落機」並衝向男友，兩名空姐拼力攬實阻止，並大叫「冷靜！冷靜！」女子隨後哭鬧起來：「依家想我點呀……係咪全香港人都唔幫我呀！依家係佢做錯事！」她越說越激動反問空姐：「依家做錯事係佢喎！你係咪唔企我果邊呀！」
空姐安撫：「男人係咁㗎啦」
兩名空姐不斷安撫，但女子嚎哭起來：「你哋係咪蝦我呀！你哋係咪蝦我呀！」空姐再安言相勸，請她到前面：「我幫你！一齊去前面，一齊返屋企先，好唔好？！」
女子聞言情緒略冷靜，哭聲收斂起來，空姐再道：「乖！男人係咁㗎啦，我哋過去（前面）……」男友此時反駁：「你聽佢講？你聽佢講咩呀！我有，我Ｘ街死呀！佢精神病㗎！」一名空姐示意男方不要出聲，該名女子聞言又再嚎啕大哭，並質問男友：「你講咩呀！」
空姐再勸道：「我哋明㗎，我哋去前面，一人讓一步好唔好！我哋返香港先啦！一齊返香港，依呢到點鬧都無用。」
香港快運透露，兩名乘搭UO559航班由峴港前往香港的乘客周日登機時發生爭執。機艙服務員按既定程序處理事件，並安排二人下機。航班延誤約1小時25分鐘，並於香港時間晚上10時50分安全抵達。