旺角一名女子被拍攝到用力拍打一隻貴婦狗，涉殘酷對待動物被拘捕。
涉事短片在網上流傳，樓主留言：「今時今日仲有人咁樣對小動物，因為見到個下真係嚇一嚇唔知可以做到咩，所以無上前阻止，錄片呢一下已經係佢停低第二次咁樣對狗狗，狗狗望落去都好無助唔知點算，地址喺旺角中心嗰條天橋。」其後樓主上載網上報案的紀錄，指已報警處理。
警方表示，於11月8日晚上接獲市民報案，指一名女子於較早時在旺角道行人天橋上多次用手拍打其狗隻，案件交由旺角警區動物罪案警察專隊接手跟進，經調查及翻查閉路電視片段後，至11月11日晚上，人員在旺角區拘捕一名姓王（31歲）女子，涉嫌「殘酷對待動物」，被捕人已獲准保釋候查，需於12月中旬向警方報到。