港鐵人多擠逼，難免發生碰撞。近日網上瘋傳一段港鐵車廂內港女與阿叔互相爆粗的爭執短片，阿叔懷疑踩到港女的腳引起不滿，雙方粗口橫飛，各不相讓。港女要求大叔道歉，而大叔則指罵她說粗口。旁邊的乘客按捺不住出面勸交，爭拗才得以平息。
影片長2分31秒，畫面見到事發時的港鐵觀塘綫列車正駛往牛頭角站，車廂內一名站立的大叔與座位上的港女爭執。港女指責大叔：「畀你踩X倒唔X你呀」、「你行X開啲啦，唔好再踩X到我呀」，大叔則回應「咩X嘢者，你依家嘈咩X嘢者」、「我唔開呀，我企向度呀，你吹X漲呀？」。
當列車駛至牛頭角站時，拍片者為尋求更好的拍攝角度，決定下車後從另一車門上車，繼續拍攝港女和大叔大鬧。此時，港女續指罵大叔：「踩X倒你仲X人，點X樣態度」、「我生出嚟就畀你踩架？」大叔則回應：「我出嚟就畀你X架？」港女回應：「你唔踩我就唔會X你啦，呢點係因果關係，你知唔知因果關係呀，返去讀多幾年書」。大叔表示沒有讀書，港女就罵「係呀，我睇得出呀，做人基本態度，踩到人就要對唔住架啦……狗踩到人都識夾住條尾走開啦」。後來旁邊的乘客出面勸交，幫大叔向港女道歉，爭執才得以平息，車廂恢復平靜。
