全新旅遊節目《一條麻甩在汕頭》中身為東莞人的王祖藍，上輯由麥長青手上接過「麻甩棒」後帶觀眾食盡家鄉東莞地道特色美食，獲不少迴響及正評。
今季載譽歸來的「麻甩系列」，11日晚播出的一集將轉移到汕頭食買玩。首兩集內容已相當豐富，祖藍先後帶大家去到汕頭小公園的鎮邦美食街，及位於龍眼南路的網紅美食街，品嚐了薄殼宴、潮汕粽、中式潮茶、特色咖啡、峽山蓮藕湯等。
當中最令人食指大動的，非潮汕生醃海鮮莫屬。祖藍除品嚐了生醃龍蝦、生蠔、羔蟹、三文魚、花螺，及近日在內地爆紅的紅魔蝦，吃時還先後呼喚老婆不止五次，幾乎看到每款海鮮也想起李亞男：「呢個我老婆開心到爆喇」、「我老婆每晚都睇吃播」、「下次要帶我老婆嚟」。
就算不提老婆，祖藍開口埋口也是提女兒，果真百分百好老公、好爸爸。祖藍事後笑言生醃海鮮好食到停唔到口：「無論龍蝦、羔蟹同埋紅魔蝦都爆晒膏，而且啲龍蝦肉真係好晶瀅通透，睇見已經好想食。佢哋啲生醃汁仲要唔係獨沽一味，唔怪之得我見到好多藝人都有嚟幫襯。」祖藍又強調該批海鮮全是來自潮州的本地貨，是真正的海鮮而非養殖河鮮。
除了美食，祖藍還「人一世物一世」地品嘗潮汕特色咖啡——咸菜咖啡及皮蛋咖啡，只見祖藍全程飲到眉頭深鎖，當中展現的「噁啃表情包」更是相當有記憶點，反而令人對該批特色咖啡更加好奇。除吃盡美食，祖藍首兩集還介紹潮汕歷史及特色文化——潮汕民族舞英歌舞，在小朋友指導下即席學習英歌舞姿態的祖藍，全程似模似樣、且平衡力一流。另祖藍還閒逛汕頭的文創店，更獲店長親手繪畫的「漫畫祖藍」，逗得祖藍相當開心。
