陳毅燊和張天穎（Jaime）以情侶檔身份為ELEMENTS圓方商場拍攝甜蜜節日宣傳短片。一向愛得公開大方的ANSONBEAN與女友Jaime將迎來拍拖後的首個節日，拍攝時難掩開心笑容！
二人今次首度以情侶身份為商場活動拍攝宣傳短片，把握機會寓工作於娛樂，鏡頭前後均十分甜蜜！在外國讀書的Jaime指一向喜歡充滿節日氣氛:「細細個開始就已經好鍾意！呢個節日一直都帶到俾我好浪漫好甜蜜嘅感覺，周圍都會充滿住好靚嘅裝飾。今次ELEMENTS圓方嘅裝置周圍都有大大小小、唔同造型嘅樹，再配搭埋呢個咁夢幻嘅旋轉木馬，大家都記得去影吓相感受吓，許個願。」
ANSONBEAN聽到後表示十分同意：「剛才都已經同佢（Jaime）驚嘆了好多次，真的未見過商場有旋轉木馬，過來影相打卡真適合！仲有人生四格照相館，可以留低同另一半或者朋友的珍貴回憶，希望大家可以一齊支持吓！」二人續指十分高興能獲邀參與活動：「這段時間大家都忙，所以好開心今次商場邀請一齊出席活動！」
至於被問到是否有計劃如何度過年末假期，Jaime就指為自己安排了「重要任務」：「就是斷捨離！每近年尾就好想留在家，最好的活動就是執屋！同埋都想多些時間陪夾宅家人、見吓外國返來的朋友。」ANSONBEAN就指自己未有特別計劃，但就會趁放假捉埋Jaime睇戲二人世界。男方亦首度透露來年的工作計劃：「除了固定的音樂工作，同時間下年年頭會有部喜劇（集）播出街，同埋之前拍的動作戲都會即將在下年上映，所以過了2024年都會有好多刺激事發生，大家可以期待吓！」
至於身為人氣唱作女團Beanies一份子的Jaime除了團隊工作，亦積極活躍於個人發展，最近推出全新音樂作品《唯獨我是不可取替》的她就希望大家可以多多支持：「由搵靈感、創作到推出已經用了好長時間，之後都會同朋友合作出一首聖誕歌，希望大家鍾意。」
