已處於半退休狀態的前電視節目主持人李有毅（Ben）連同其兒子李國煒（Benson）近日以父子檔上陣，為新城主持全新節目《Ben同Benson「chur」到行》，黑暴期間出席過撐警方集會及拍攝支持區議會選舉短片後久未公開露面的武術指導兼演員林迪安，及其女兒林沚羿（Venus）獲邀擔任首集嘉賓，四人於節目中談笑風生，分享工作計劃，氣氛相當輕鬆愉快。
《全民造星II》Benson親自創作節目主題曲 誠意十足
參加過歌唱選秀節目《全民造星II》的Benson，今次親自為節目製作主題曲，再次展現出他的音樂才華，他透露創作靈感的來源：「我哋個節目比較輕鬆，而且我又好想同爸爸經歷呢個旅程，所以作歌期間都不停同爸爸溝通，亦做咗幾個唔同版本，最後揀咗個輕快版，不過個歌名我哋仲諗緊。」
Benson父親李有毅為資深節目主持人，活躍於80年代至90年代初，主持過不少無綫資訊綜藝節目，包括《香港早晨》而為人熟知。對於首次與爸爸拍檔主持難免緊張，Benson笑著表示：「對住他其實都有某程度的心理壓力，最初我都十五、十六，但佢話『我拍住你一齊做』，就冇咁怯。」
同樣來自歌唱選秀節目的Venus也透露正在計劃推出新歌，她表示：係一首輕快嘅R&B，依家仲錄緊，主題講掛住屋企，比較年輕化啲。」Venus提到她早年曾前往不同地方，包括到韓國留學，因為經常思鄉，所以決定創作一首關於想家的歌曲。
節目《Ben同Benson「chur」到行》第一集，將於1月25日晚上11時在新城廣播知訊台首播。